روائع مختارة | بنك الاستشارات | استشارات تربوية واجتماعية | بدأ زواجنا.. بكذبة

السلام عليكم.. دكتور أنا متزوجة من رجل معدد متدين وأنا لم يسبق لي الزواج بس فاتني قطار الزواج إذ عمري 31 سنه وزوجي عمره 37 تزوج وهو صغير من الأولى وطلقها وعنده بنتين ثم تزوج بالثانيه أكبر منه وعمرها 40 وجابت له 4 ابناء وهي باقيه معاه

ووافقنا على اساس اني الثانيه بس اكتشفت اني الثالثه وخبأ علي ولما اعترف لي قال لي ماكنت أبي اخسرك ورضيت أنا أبي الستر بس

والله ومره من المرات كنت بالسياره معاه وفتحت درج السياره ولقيت ورقه طلاق وحده غير حريمه ومطلقها طلقه وحده بس من المحكمه وبتاريخ قريب قبل ما اتم انا معاه شهر

أنا الان كملت معاه شهرين توني متزوجة بشوال وعرفت عنه اللي المفروض اعرفه بعد سنه طبعا خبيت عليه اني عرفت بالورقه ولما كلمت واحد من عياله قال لي ابوي متزوج وطلق كثير لان اخوانه كثير من امهات مختلفات وكلهم عايشيين مع امه الكبيره بالسن

أنا يا دكتور ماني معترضه أنا وافقت على معدد بس ليه يخبي وكمان اللي طلقها مره بس وش يقصد يرجعها بعدين على اساس هي الربعه أنا تزوجت وكنت الرابعه اصلا أنا خايفه انه يغدر فيني ويطلقني احنا ماعندنا طلاق بالعايله

واللي محيرني فيه إنه طيب معاي وكريم والبيت مو ناقصه شي بس أنا ما حسيت بالأمان معاه بصراحة بدا زواجنا بكذبه وليش يكذب وهو شيخ محترم يحبه الناس كلهم علمني وش اسوي اسكت ولا وش اتصرف معاه

أنا مابي مشاكل وابي الستر بس أنا حتى مؤخره حملي لين اتطمن على وضعي معاه وهو عارف انا اخذ موانع عياله ماشاء الله 12 واحد من الزيجات المتفرقه وكلهم عايشين معالاولى تقريبا هو متزوج 6 وعنده الحين 3 والثالثه وشكرا واعذرني على الايطاله

السلام عليكم ورحمة الله وبركاته.

وعذرا أختي الكريمة على التأخر في الرد على مشكلتك.

وبخصوص موضوعك مع زوجك، فهناك مسألتين مهم أن تنظري فيهما بإمعان.

الأولى وهو دور أهلك وولي أمرك في البحث والتقصي والسؤال عن زوجك قبل الزواج، فهم مشاركون في الخطأ سواء إن كانوا يعلمون وأخفوا عنك، أو لأنهم لم يبحثوا بشكل جدي تتمكنين من خلاله من معرفة حقيقة زواجات زوجك قبلك..

الأمر الثاني وهو يتعلق بالواقع المعاش الآن، وحتى النظر في ما قبل الزواج ودور أهلك وأيضا لو افترضنا إخفاء زوجك عنك بعض المعلومات، يبقى المهم الآن العمل على كسب هذا الزوج وجعلك تحظين عنده بمكانة ومحبة غير الأخريات.